Pinky Box | خطوات عمل صندوق هدايا

السلام عليكم جميعاً

مبروك للسعوديين بخصوص تقديم الاختبارات قبل رمضان و ان شاءالله واقعة خير عليكم ❤️
و عذراً جدول التدوينات غير منتظم هذه الفترة بس الاسبوعين هذا مزدحمة دراسياً و مستهلكة مشاعرياً
و لكن بغيت أنزل هذه التدوينة السريعة اللطيفة عشان ما أطول عليكم

بوريكم خطوات إعداد صندوق هدية بـ ثيم لون واحد، أظن شكلها كانت مستلهمة من مدونة ليتل مي.. كونها وردية و بناتية مثل روح أسماء! و على فكرة التدوينة السابقة كانت تعاون بيني و بين أسماء أقروءها هـنـا

cover pic pinky box

أول شيء الأغراض الاساسية المطلوبة لعمل أي نوع سلة هدايا أو صندوق هي : ـ
حشوة * ممكن ورق ، أكياس بلاستيك
مقص
سلة أو صندوق أو أي نوع حامل تحطين فيه الاغراض
شريط لاصق عادي
شريط لاصق مزدوج الجهتين
بعدين عندك أشياء اختياريه مثل ورق سولفان و أنواع الزينة و الشرائط

أول خطوة
جهزت الأغراض حسب لون واحد و ممكن تستخدمون أغراض من عائلات لونية مختلفة مو مشكلة

pinky box 1

الخطوة الثانية
حضرت الصندوق بوضع الحشوة الي هي ورق بني

pinky box2

ثم وضعت قطعة جوخ وردية
:خيارات غير الجوخ

١- ورق خفيف مقطع إلى شرائح تحصلونه بالقرطاسيات و أماكن تجهيز الهدايا

٢- ورق كريشه ملون

٣- الاوراق الرقيقة الي احيانا تجي مع أكياس الهدايا

خطوة رقم ثلاثة

!وقت اللعب
شكلوا و ألعبوا .. شوفوا أي ترتيب مناسب
أنا عادة مع الأغراض متفاوتة الاحجام أضع الأغراض الطويلة بالخلف و الصغيرة قدام

pinky box4

و إذا رضيتوا عن الشكل النهائي هنا دور الشريط اللاصق مزدوج الجهتين !
و أفضل المزدوج على الشريط اللاصق العادي لانه قوي و يثبت الأغراض عدل
لصقوا أسفل الاغراض
لصقوا مكان تلاقي غرضين مع بعض
عشان يحافظون على ترتيبهم

رابع خطوة

هنا اسبحوا ببحر الخيارات 😂 أي شيء ممكن تزينون فيه
ورد مجفف
ورد عادي
حلويات صغيرة
الورق المقطع شرائح مثل ماذكرت لكم بالبداية
و فيه خيوط تشابه الخوص ماعرف اسمها…تطلع حلوة بالسلال
لكن عني اخترت ورد اصطناعي من ايكيا

pinky box3

بعد ما صفصفت الورد واخترت أماكنهم المناسبة ..ألصقتهم بصمغ شمع مسدس

pinky box5

pinky box6

✨ و هنا أضفت اللمسة القلتريه ✨

pinky box7

عندي صبغ أظافر شفاف جاي معاه قليتر نثري
✨ فدهنت بالصبغ مكان رحيق الوردة /بوسط الوردة/ و نثرت القلتر ✨
و هذه هي لمسة مدونة قليتر 😝✨

أخر شيء

pinky box8

وازنت مكان غطاء الصندوق و غلفته بورق السولفان من فوق لتحت.. يعني من تحت /أسفل الصندوق/ ثبته بشريط لاصق عادي

😞😝 و عذرا لاتتوفر صور لهذه الخطوة، هذه نتيجة العمل لوحدي

الجزء الجميل

محدثة سند.JPG

IMG_0995

و بالنهاية أتمنى لكم يوم سعيد و مليئ بالالوان و الهدايا

😉

تلقوني على مواقع التواصل الاجتماعي تحت

ins-circletwt-circle

Advertisements

3 thoughts on “Pinky Box | خطوات عمل صندوق هدايا

  1. Pingback: أفكار هدايا مبتكرة للتخرج بالتعاون مع ريما بلوق | Ghlliter Blog

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s