مكياجي اليومي! سهل ،سريع و بسيط + رتبي شنطة مكياجي اليومي معاي

السلام عليكم جميعاً

صباح الجمال 
حيل متحمسه للموضوع اليوم .. صحيح اقول هذا الكلام لكل تدوينة بس المكياج له مكانه خاصة بقلبي 

بمشي بخطوات معكم ترتيب شنطة مكياجي اليومي
و موجز سريع عن أغلب المنتجات
مكياجي اليومي سريع،بسيط

.
.

!😂 و أظن حققت أسوأ مخاوفي من ناحية الميك اب.. صرت بيسك
صرت اعتيادية!
يعني انتقلت من وحدة كان أساسي عندي لوك عيون كامل إلى حاجه سريعة تخليني جاهزة خلال عشر دقائق
😂😍 و تدرون وين المشكلة.. آي لوف ات

 

نهاية البوست راح أرفق مقاطع يوتيوب  ميك اب تتوريال مو شرط نفس التكنيك بس بنتيجة مقاربة و الاهم اني حابتهم حيل 😹❤️ بس استفدت منها من ناحية تخص هاللوك 

.
.
.

نبدأ
و بتحبين اطلالة المكياج نفسي اذا كنتِ حابه شيء سريع ،برونزي ،صيفي

هم ثلاث عوامل رئيسية

لوك الايشادو المُفرد
اوفر برونزد
حواجب مستقيمة

بتكلم بما أعني تحت كل نقطة

.
.
.

image

أول و احنا نرتب حطيت كل منتج حسب وضعي له على وجهي
ف اول شي حطيته بيس عيون من ايسنس
essence I Love Stage Eyeshadow Base
تكلمت عنه هنـا

+
كونسيلر نارس
NARS Radiant Creamy Concealer in Ginger
😂 عادةً احطه عقب الفاونديشن بس صورتهم ويا بعض
أحبه لسببين ١- تغطيته ٢- لونه
كلهم يسمحونلي استخدمه بدون مُصحح قبله ❤️ سريع سريع.

image

قبل انتقل نقطة ثنين حبيت اوريكم شنو اسوي عادة من فترة فترة

احب امسح اغراضي بمسحات طبية للتعقيم 

.
.

image

ثانياً سي سي كريم
physicians formula Organic wear 100% Natural Origin CC Color + Correction Cream SPF20
سارق قلبي هاللحظة! تو اخذته من وايتس بالرياض و اضغطي هنا للي ماشافت زيارتي للرياض
الكريم يجف إلى ملمس جاف مخملي .. فالاغلب يناسب البشرة الدهنية

بس قبله
Benefit The POREfessional Face Primer
تشوفون هالنتفة؟ عجزت أخلصه 😂 عشان هالسبب حطيته بالشنطة عشان يخلص
ما أشوف الفرق الكبير صراحة خلال استعماله
ودي أجرب البرايمر المتحكم على افراز الدهون من بينيفت .. بس خل يخلص هذا و نشوف
.
.
.

الايشادو

image

أول عامل فرق معي
الاشادو المُفرد.. لون واحد يوزع على كامل الجفن
❤️ كنت أقول مستحيل اصير مملة هكذا من ناحية الايشادو 😂 بس صرت و حابته
أحب اوزعه بفرشاة سيفورا رقم 27 مع نتفه نتفه من البرتقالي و ادمج الاطراف عدل بفرشاة ماك ٢٢٤
يعطي الـ
Blown out look
و حتى حلو مع بعض الايشادو اللامعة مو شرط مطفي
اللذي يحتوي على جزيئيات لامعة ولما يصير على الجفن الثابت يعطي تأثير حلو

.
.
لون اخر

image
.أحب اللون الوسطي بالصف العلوي
من باليت
Models Own Barely There
كاامل على الجفن
.
.

image

رابعاً
الكحل السائل لان الكحل السائل ضرورة و متعة بالنسبة لي
احيانا أحب أحدد عيني بقلم كحل بني و ادمجه بفرشاة
لكن حيل حابه الكحل السائل هذه الايام
.
.
milani shadow eyez in champagne toast
قلم ايشادو من ميلاني
أحب استخدمه ككحل داخل العين و لأنه ايشادو يطول مايسيح او يختفي 👍

.
.
.

العامل الرئيسي الثاني
الحواجب! الحواجب هي اساسية بكل لوك
بس أنا حيل حيل حابه الحواجب المستقيمة
أو حواجب المودلز! 😚 او حسب رؤيتي يعني
ممكن ماتناسب أغلب أشكال الوجه أو الحواجب!، بس استلهام من هذه الحواجب اشوفه ممكن تخلونه يناسبكم و حيل مودرن و منظر شبابي طبيعي

image

استخدم

image

anastasia beverly hills brow definer in Dark Brown
و
Iqueen Duel Eyebrow pencil and Tint Gel in Grey
أحب استخدمهم مع بعض
Benefit Gimme Brow Gel in 3
بامسكرة الحواجب أحب امشطهم و أثبتهم بمكانهم عشان اعزز الشكل الي أبيه 😁
.
.
.
.

😚😚😚😚الحين جزئيتي المفضلة

image

البرونزر
!!!!!أولا ابي ابدأ اقول شلون قبل كنت احط ميك اب بدون برونزر

prestige bronzing powder 

 صراحه ماقول اني اكدس على وجهي، بس بالنسبة لي.. كنت شخص احط شخطتين بالفرشاة و اقول عن نفسي حاطه  برونزر .. فهذا يعتبر كثير
✨🌴 أحب استخدم البرونزر ككنتور و امده على اماكن وضع البرونزر ، اسرع حق مكياج يومي
.
.
SLEEK BLUSH BY 3 in LACE
✨😚اللون الوسطي فيه لمعة ذهبية استخدمه بشكل خفيف كإضاءة
🌞😍 و كأحمر خدود أشكل... مره اللون اليمين ومره الثاني بس أحب الضارب على برتقالي أكثر
.
.
.
😒 الحين الاشياء المملة بالميك اب بس ضرورية
بودرة

image
MAC Studio Fix Powder Plus Foundation in NC25
فاونديشن بودرة أحبه حق تثبيت الكونسيلر
غير انه درجته ضاربه على اصفر ..فتكسر الشهوب اذا كانت هالاتي قوية
😉 هو فاونديشن فيحمل تغطيه زيادة بعد
.
.
Elf High Definition Powder in Sheer
الشفافة
اثبت باقي وجهي
صراحه هذه اخر مره اشتري بودرة حرة 😒
ماتثبت ولا تنور والا شي

.
.
.

اخر شيء

image

أعكف رموشي
ثم
تمشيطه سريعه من الماسكرا
ماسكارتي
Essence i  ❤️ Extreme 
نتيجة هالماسكرا شٓعرة! شعرة تفصل بين رموش منفوشة،ثخينة و جميلة .. إلى متكتلة مثل آرجل العناكب! لازم تكونون حذرين
❤️✨ بس مع الايام والاستعمال لما بدأت تجف تعطي نتيجة أحلى و أحلى
.
.
مجموعة فرشاتي
أهم فرشاة
سيفورا رقم 27  أوزع كامل اللون عالجفن
.
 ماك٢٢٤ ، ادمج فيها أطراف الشادو، أثبت الكونسيلر فيها و لحجمها الصغير أحب اوزع بودرة على أماكن معينة من وجهي مثل حولين أنفي 😂 حللت استخدامها عدل
.😝

.
الفرشاة الكبيرة ذات الشعيرات البيضاء
تتذكرونها من مشترياتي من ماك؟، اوزع فيها بودرة على كامل الوجه أو ادمج اطراف البرونزر و البلشر
.
الفرشاتين على اليمين، مجهولات الهوية 😅 اتوقع أخذتهم من مكياج المنصور سرداب الشايع
الصغيرة: مسطحة لكن منفوشة لتوزيع الشادو تحت العين
أحب أحب أحب ايشادو تحت العين، يحدد شكل العين ويبرزها
.
 الفرشاة الكبيرة
ارتوس تكلمت عن الفرش بسنابها وكان فيه فرشاة تشابه شكل هذه
و تستخدمها للبرونزر و اتذكر كأن قالت تمسكها بدرجة زاوية ٤٥ لما تطبق البرونزر على وجهها..اظن
😅 ان شاءالله مخي مابدأ يألف من عنده
الخُلاصة: هذه الفرشاة هي الفارق العظيم المذهل بنتيجة البرونزر.. يعني قبل سنة ماكنت أوصل بنتيجة مرتبة بوضع البرونزر لحد مابدأت بهذه الفرشاة و بمسكها مثل ماقلت فوق ^

.
.
.
و الحين خلصت ترتيب شنطتي
و اذا رحتوا صفحة الميك اب بالبنترست مالي بتحصلون صور كثير تشابه وتقارب لوك مكياجي اليومي
و صور لوكات ميك اب طبيعية منعشه 😍✨

http://pin.it/Z49ry45

 

و هذه مقاطع اليوتيوب 😍

المقطع الأول

المقطع الثاني

.
.
.
.

🌻🌟 و شكراً لقراءة التدوينة أتمنى لكم يوم جميل

Advertisements

لو ضاع كل مكياجي؟! | أساسيات مجموعة مكياجي

السلام عليكم جميعاً

 

IMG_1037

ماذا لو اختفى كل مكياجك ذات يوم!!؟!

اخر سؤال توقعت يدب الخوف فيني

  هذا كان سؤال أو تاق من مراوي,و السؤال هو ” لو ضاع كل مكياجي شنو بآخذ”  الفكرة نشوف شنو أساسياتك و مفضلاتك و منتجات مستحيل تتخلين عنها او تبدلينها 

أول شيء لندعو ان لاتأتي هذه اللحظة! حلالي رآس مالي ياناس

و شوفوا بوست مراوي عن مختاراتها.. فيه كمن منتج حطيت عيني عليهم اضغطي هنـا

حاولت قدرت المستطاع أكون عُقلانية باختياراتي

نبدأ بمنتجات الوجه

 

MISSHA M Perfect Cover BB Cream No.23 Natural Beige SPF42 PA+++

image

بي بي كريم من ميشا

أحب هالكريم لسببين

تغطيته رائعة و تعتبر متوسطة بالنسبة لبي بي كريم

و يتحكم بإفراز الدهون

أحيانا ماحبه لان صحيح يتحكم بالدهون بس يعتبر شوي جاف للمناطق الجافة مثل حولين الفم 

و غير ان درجته حيل فاتحة ، لكن أحبه و أرجعله دايم بالصيف 

ف لو برجع اشتريه باخذ درجة رقم ٢٧

درجات ميشا بي بي كريم

NARS Radiant Creamy Concealer in Ginger 

image

خافي العيوب من نارس  الكونسيلر العظيم

أحبه! مستحيل هالجميل

هذا تغطيته مثالية و أنا عندي هالات متوسطة إلى غامقة حسب كميتي النوم الذي أحظى به

أحب قوامه, صاير بين الثقيل و بين الخفيف

و استخدمه حتى غير تغطية الهالات 

مثلا تحت عيوني منطقة دهنية و يغطي بشكل حلو

  و حولين فمي منطقة تعتبر جافة و يغطي بشكل حلو! 

و دائم أنصح فيه 👍

 

 

 

 

essence I Love Stage Eyeshadow Base 

الأشهر على الأطلاق!  أحب سعره و أحب نتيجته بالنسبة لسعره!! و بتحبينه اذا عندك جفون أغمق من باقي وجهك أو فيها عروق

إنما البنات الي يستخدمونه ك كونسيلر! ليه! ماكو كونسيلر بالسوق! لاعجب دايم خالص بالأسواق

 

 

كحل القلم و السائل من خط صبايا من ماركة مكياجي

IMG_1050

القلم عامود ثابت بمكياجي من قبل حتى أملك مكياج! من أيام الثانوي و هذا كحلي المفضل من لما كان شكل القلم موف فاتح

صحيح مو ثابت و يسيح علي بس أحبه أحب سواده و قد سمعت يحتوي على زيت الخروع عساس يكثف الرموش لكن مو متأكدة من الكلام

فهالسنة قررت أجرب الكحل السائل و ياإلهي وقعت بغرامه!!! أسود و مطفي و الفرشاء نحيفة تعطي كات آي حاد!!! رائع

 

 

 

H&M INFINITE IMPACT EYE COLOUR in CHIN CHIN

image

  💔😂 شادوات اتش اند ام عموما باخذ منها لو صدف كل مكياجي اختفى، للحين الكلمة تعور قلبي 

هذا اللون وقعت بغرامه أول ماشفته 

و ينفع لحاله اذا كثرته يصير حق مناسبات كبيرة و اذا خففته ينفع كجزيئات قليتر على الجفن مع ايلانر و مافيه أٍسرع و أبسط

😍

 

 

 

Rimmel’s Exaggerate Full Colour Lip Liner

image

  اتوقع من عدد المحددات مبين شكثر أحبهم! 

أحبه لانه فر، لان ماكو أكبر معضلة من تبرية قلم محدد

و قوامه كريمي و ثابت و يعطي المنظر المات بدون احساس غير مريح و بدون احساس المدبق,  بس أنا ماحب المات أحب احط فوقه قلوس 

eastend snob  063

  أحب لون على قلبي

Addiction 018

  أكثر لون يناسبني أحب اللون الاول بس هذا أكثر واحد مناسبني 

You’re All Mine 101

تشوفونه يشابه الاول بس مع اندرتون أزرق

 

 

 

Anastasia beverly hills brow definer in dark brown

image

القلم الذي غير نظرتي للحواجب!!   أنا أحب الاقلام المشطوفة

و قصتي مع هذه الاقلام لما لقيت واحد بمكياج امي 

هذه الاقلام نتيجتها زي الناشف و لون خفيف و عبالي خربان 😂 و بعدين اكتشفت ان هذه هي ميكيانكية الاقلام

و منتشرة أكثر بكوريا و دول شرق اسيا عموما 

فشريت واحد من ماركة آي-كوين أظن انها ماركة ماليزيه 

IQueen 

و بعدين جربت انستازيا و يالله شكثر حبيته ❤️

 

 

الحين بتكلم عن منتجات حلت بالمركز الثاني 

بمعنى يمكن اشتريها و احتمال أبحث عن بديل يشابه نتيجته أو  لونه و بذكر الأسباب

Mac studio face and body foundation in C4

image

أحب هذا الفاونديشن أول شراء لي من ماك

أحبه لان درجته أغمق مني بتكه و يعطي لون برونزي

و لمعه ديوي صحية و تغطيته خفيفة و تقدرين تزيدين بدون مايتكتل أو يطلع شكله ثقيل بس مشكلتي معاه مايسيطر على الدهون

و بعد سويعات يبدأ ينفصل شكله على بشرتي بس أحبه وأحب ارجعله من فترة لفترة

Benefit Gimme Brow Gel in 3 

image

ماسكرة بألياف تعطي زي الشعيرات و تكثف الحاجب

  بدأت استخدمها مؤخرا و جداً مستمتعة

و خصوصا مع لونها أفتح شوي من لون حاجبي و يعطي لوك بالكامل متوازن بوجهي

بس سمعت ان استخدامها بشكل يومي ممكن يطيح شعر الحواجب

لا أعرف عن صحة الكلام

خصوصا ان مو كل يوم أستخدمها

 

اخر شيء المنتج الغريب الذي بلا هوية  هو عنده هوية بس مو كاملة

شادو من مكياجي

image

كان هدية مع مشتريات

  لونه بني دافئ 

استخدمه كلون انتقالي، على كل الجفن يعطي لون صحي بني محمر 

و أساسي عندي و لما أسافر هو قبلي 

طيب!؟ ليش مو مع المركز الاول….

لانه منزماااان عندي ماتوقع يبيعونه الحين محلات مكياجي 

و السبب الثاني ملمس الشادو شوي ناشف، ف لو اختفى من مجموعتي بروح ميك اب فور ايفر او انقلوت او اتش اند ام ادور نفس اللون  👍

و بحال فعلا ضاع كل مكياجي باخذ هذه الباليت من لورا مرسييه شفتها باستقرام مراوي

أبهرتني الألوان

لورا مرسييه.png

 

 

 

 

 

بالنهاية هذه التدوينة إهداء إلى مراوي

  اكتشفت مراوي من مدة و انبهرت بفكرة حسابها و كيف حبها لمكياجها وخليت كل أهلي يتابعونها 😭😍 و لازم تتابعونها بسناب البنت تضحك 😂 و تقول كل المعلومات بحب و بفائدة كبيرة و بتعرفون اني احبها لان اكثر من مره اذكر اسمها 😚

 

و شكراً لمتابعتكم  🌸 و أتمنى لكم يوم سعيد

 

 

 

 

تلقوني على مواقع التواصل الاجتماعي تحت

ins-circletwt-circle